У Вікіпедыі ёсць артыкулы пра іншых асоб з прозвішчам Мак-Грэгар. Конар Энтані Мак-Грэгар (англ.: Conor Anthony McGregor; нар. 14 ліпеня 1988 года, Дублін, Ірландыя) — ірландскі баец змешаных баявых мастацтваў, які выступаў таксама ў прафесійным боксе. Выступае пад эгідай «UFC» у лёгкай вагавай катэгорыі. Былы чэмпіён UFC у лёгкай вазе (2016—2018) і ў паўлёгкай вазе (2015—2016).
Па стане на лістапад 2016 года займае другі радок афіцыйнага рэйтынгу UFC сярод лепшых байцоў незалежна ад вагавай катэгорыі (англ. Pound-for-pound). Рэйтынг Sherdog ставіць Мак-Грэгара на першае месца ў паўлёгкая вазе і на восьмае ў спісе лепшых байцоў незалежна ад вагавай катэгорыі.