Клаус Чучэр (ням.: Klaus Tschütscher, нарадзіўся 8 ліпеня 1967, Ругель) — ліхтэнштэйнскі палітычны і дзяржаўны дзеяч.
Скончыў Універсітэт Санкт-Гале ў 1993 годзе. Атрымаў ступень доктара навук у 1996. У 2005—2009 працягнуў адукацыю ў Цюрыхскім універсітэце па спецыяльнасці міжнароднае бізнес права.
Кіраўнік прававога ўпраўлення Падатковай службы Ліхтэнштэйну ў 1995—2005. Адначасова намеснік дырэктара Падатковай службы Ліхтэнштэйну ў 1996—2005. Намеснік прэм’ер-міністра Ліхтэнштэйна і міністр юстыцыі ў кааліцыі ўрада Отмара Хаслера ў 2005—2009. Прадстаўляў ва ўрадзе партыю Айчынны саюз.