Кегумс (лат.: Ķegums, ням.: Keggum) — горад (з 1993 года), раней пасёлак гарадскога тыпу ў Огрскім раёне Латвіі. Размешчаны на правым беразе р. Даўгава (Заходняя Дзвіна) паміж гарадамі Ліелвардэ і Огрэ, за 46 км уверх па цячэнні ад сталіцы краіны Рыгі. Чыгуначная станцыя на лініі Масква — Рыга. Дзейнічае Кегумская ГЭС магутнасцю 264,1 МВт. У савецкія часы быў адкрыты таксама і рыбаводны завод.