Каспі (груз. კასპი) — горад у Грузіі, адміністрацыйны цэнтр Каспскага муніцыпалітэта, адзін з самых старажытных населеных пунктаў гісторыка-геаграфічнай вобласці Картлі. Знаходзіцца на левым беразе ракі Куры, пры ўпадзенні ў яе Лехуры. На тэрыторыі Каспі размешчана чыгуначная станцыя на лініі Тбілісі — Самтрэдыя. Знаходзіцца за 48 км на паўночны захад ад Тбілісі і за 10 км на поўдзень ад мяжы з Паўднёвай Асеціяй.