У гэтага паняцця ёсць і іншыя значэнні, гл. Ларсан.
Карл Ларсан (шведск.: Carl Larsson; 28 мая 1853, Стакгольм - 22 студзеня 1919, Сундборн, каля г. Фалун) — шведскі жывапісец.
Вучыўся ў Каралеўскай акадэміі мастацтваў (1869). Працаваў як ілюстратар і карыкатурыст, выконваў пано і роспісы на гістарычныя тэмы (фрэскі ў Нацыянальным музеі, Стакгольм, 1894-1908); папулярныя створаныя Ларсанам сцэны хатняга побыту (алей, акварэль, афорт), якія выдаваліся ў выглядзе альбомаў (“Мая сям’я” , 1895; “Ларсаны”, 1902; “Дом на сонцы”, 1909). Лірычная цеплыня, інтымнасць, крыху ідылічная жыццярадаснасць спалучаліся ў творчасці Ларсана з дэкаратыўнай стылізацыяй ў духу стылю “мадэрн”.