Карлікавая сумчатая мыш[1] (Planigale maculata) — від з роду Planigale сямейства Dasyuridae. Эндэмік Аўстраліі.
Даўжыня цела з галавой вагаецца ад 65 да 100 мм, хваста — ад 51 да 95 мм. Вага — 6-22 г. Поўсць мяккая і густая. Спіна светла-бурага або шэра-бурага колеру, часам з украпінамі белага. Пуза — ад бледна-бурага да белага. Падбародак белы. Чэрап сплошчаны. Вочы маленькія. Вушы вялікія, з вышчарбленымі бакамі. Хвост тонкі, карацейшы за цела з галавой.