Карлавы Вары
У паняцця ёсць і іншыя значэнні, гл. Карлсбад.
Карлавы Вары (чэшск.: Karlovy Vary, ням.: Karlsbad) — горад у Заходняй Чэхіі, сталіца Карлаварскага краю. Размешчаны на месцы зліцця рэк Огржэ і Цеплы.
Найвялікшы курортны горад Чэхіі, дзе месціцца мноства санаторыяў і аздараўленчых цэнтраў.
Паводле дадзеных 2010 года ў горадзе пражывае 53 907 чалавек (18-е месца ў краіне). Плошча горада — 59,10 км².
Гісторыя
Ужо ў XIV стагоддзі мясцовыя лячэбныя крыніцы былі шырокавядомы. У 1370 годзе імператар Свяшчэннай Рымскай імперыі Карл IV Люксембургскі надаў багемскаму мястэчку Вары статус каралеўскага горада, які перайменавалі ў гонар імператара. Да 1522 года адносяцца першыя пісьмовыя згадкі пра мясцовыя крыніцы. У 1582 годзе горад перажыў навадненне, у 1604 годзе — згарэў, а потым пацярпеў у гады Трыццацігадовай вайны. У 1707 годзе імператар Іосіф I пацвердзіў прывілеі Вольнага каралеўскага горада. У 1711 годзе Карлавы Вары наведаў расійскі цар Пётр I. У сярэдзіне XIX стагоддзя лячэбныя ўласцівасці карлаварскіх крыніц набываюць сусветную вядомасць, што спрыяла росквіту курорта: калі ў 1756 годзе ў горад прыехалі на лячэнне ўсяго 134 сям’і, то ў канцы XIX стагоддзя гасцей курорта было ўжо каля 26 000 штогод, а ў 1911 годзе — амаль 71 000. З 1989 года, пасля падзення камуністычнага рэжыму, Карлавы Вары зноў сталі папулярным сусветнавядомым курортам.
Цікавыя факты
У Карлавых Варах робяць знакаміты лікёр «Бехераўка».
Зноскі
- ↑ https://mmkv.cz/cs/primator
- ↑ Jakl L. Jak stará jsou česká města? Legendy a fakta. // iDNES.cz — 2011.
- ↑ Historický lexikon obcí České republiky 1869–2005: 1. díl / пад рэд. J. Růžková, J. Škrabal — ČSÚ, 2006. — 759 с. — ISBN 978-80-250-1310-6
Спасылкі
Тэмы гэтай старонкі (6):Катэгорыя·Вікіпедыя·Артыкулы з пераазначэннем значэння з Вікідадзеных
Катэгорыя·Карлавы Вары
Катэгорыя·Населеныя пункты паводле алфавіта
Катэгорыя·Курорты Чэхіі
Катэгорыя·Гарады Карлаварскага края
Катэгорыя·Вікіпедыя·Артыкулы з крыніцамі з Вікідадзеных