Кардымаўскі раён (руск.: Карды́мовский райо́н) — адміністрацыйна-тэрытарыяльная адзінка (раён) і муніцыпальнае ўтварэнне (муніцыпальны раён) у Смаленскай вобласці Расіі. Адміністрацыйны цэнтр — пасёлак Кардымава.
Мяжуе на паўднёвым усходзе з Глінкаўскім, на ўсходзе з Дарагабужскім, на поўначы з Духаўшчынскім, на поўдні з Пачынкаўскім, на захадзе са Смаленскім і на паўночным усходзе з Ярцаўскім раёнамі. Плошча раёна — 1095,3 км². Асноўныя рэкі: Дняпро, Хмосць, Вялікі Вопец, Малы Вопец, Ласьмёна, Арлея.