Каралеўскі тэхналагічны інстытут (шведск.: Kungliga Tekniska högskolan, KTH) — універсітэт у Стакгольме, Швецыя. Аспрэчвае ў Тэхналагічнага ўніверсітэта Хельсінкі (ТКК) званне найбуйнейшай тэхнічнай ВНУ ў Скандынавіі і з’яўляецца адным з вядучых тэхнічных універсітэтаў Еўропы. Заснаваны ў 1827 годзе як шведск.: Teknologiska institutet, у 1877 годзе атрымаў сваю цяперашнюю назву. Пасля вайны ў інстытуце пачаліся даследаванні ў вобласці ядзернай фізікі, у 1954 годзе быў запушчаны першы шведскі рэактар, які прапрацаваў да 1970 года.