Карабахскае ханства — феадальная дзяржава ў Закаўказзі (сярэдзіна XVIII — пачатак XIX стагоддзяў), якая вылучылася са складу Ірана. Заснавальнік — Панах Аліхан. Сталіцай з’яўляўся горад Панахабад. З 1805 — у складзе Расійскай імперыі, з 1822 — расійская правінцыя.
У цяперашні час тэрыторыя былога Карабахскага ханства юрыдычна ўваходзіць у склад Азербайджанскай Рэспублікі і Арменіі (Зангезур). Фактычна вялікая частка тэрыторыі ханства, якая належыць Азербайджану, кантралюецца Нагорна-Карабахскай Рэспублікай.