Канстанцін Каратэадоры (13 верасня 1873, Берлін — 2 лютага 1950, Мюнхен) — нямецкі матэматык грэчаскага паходжання. Выпускнік Бельгійскай ваеннай акадэміі 1895 года. Матэматычную адукацыю атрымаў у Берліне і Гётынгене.
Па запрашэнні грэчаскага ўрада узначальваў з 1919 па 1922 год Іанійскі ўніверсітэт ў Смірне (цяпер Ізмір). З 1924 года прафесар універсітэта ў Мюнхене. Вядомы працамі па тэорыі функцый, варыяцыйнага злічэння (пабудова тэорыі поля экстрэмалаў), тэорыі канформных адлюстраванняў, агульнай тэорыі меры мностваў.
У 1909 годзе прапанаваў аксіаматычную пабудову асноў тэрмадынамікі.