wd wp Пошук: ⬜

Канстанцін Казімір Александровіч

У Вікіпедыі ёсць артыкулы пра іншых асоб з прозвішчам Александровіч. Канстанцін Казімір Александровіч — вялікалітоўскі дзяржаўны дзеяч.

Біяграфія

Паходзіў са шляхецкага роду Александровічаў герба «Александровіч», сын Яна Уладзіслава і Крысціны з Курчоў.

Гарадзенскі земскі суддзя (1661—1669), падсудак гарадзенскі (1653—1661), земскі пісар гарадзенскі (1648—1653), падстолі гарадзенскі (1639—1648), войт гарадзенскі (1633—1667).

Пасол Гарадзенскага сойміка на соймы 1649/1650, 1650, 1662 гадоў, пасол на соймы 1653, 1655, 1659 гадоў. На сойме 1662 года быў прызначаны камісарам ад Пасольскай ізбы па аплаце войска Вялікага Княства Літоўскага [1].

Прызначыў 500 злотых гарадзенскаму дамініканскаму кляштару на адпраўленне штогадовай імшы за яго душу. Грошы дамініканам выдаваў яго сын Стэфан Яўстахі (1671)[2].

Сям’я

Меў сыноў[2]:

Стэфан Яўстахій, гарадзенскі падкаморы і маршалак;
Казімір.

Зноскі

↑ Volumina legum. T. 4: Ab an. 1641 ad an. 1668 / przedruk zbioru praw staraniem XX. Pijarów w Warszawie od roku 1732 do roku 1782 wydanego. — Petersburg: J. Ohryzko, 1859. — 501, [1], XVII, [1] s.
1 2 Цудатворны абраз Маці Божай Студэнцкай і гарадзенская шляхта: ідэнтыфікацыя, радаводы, сувязі. «Герольд Litherland» № 18. 2011.

Літаратура

Валерый Пазднякоў. Александровічы // Вялікае княства Літоўскае: Энцыклапедыя. У 3 т. / Рэдкал.: Г. П. Пашкоў (гал. рэд.) і інш.; маст. З. Э. Герасімовіч. — Мн.: Беларуская Энцыклапедыя, 2005. — Т. 1: Абаленскі — Кадэнцыя. — 688 с. — ISBN 985-11-0314-4 (т. 1), ISBN 985-11-0315-2.
Ochmann-Staniszewska, S., Staniszewski, Z. Sejm Rzeczypospolitej za panowania Jana Kazimierza Wazy: prawo, doktryna, praktyka. T. 2 / Stefania Ochmann-Staniszewska, Zdzisław Staniszewski. — Wrocław: Wydaw. Uniwersytetu Wrocławskiego, 2000. — S. 383.
Urzędnicy Wielkiego Księstwa Litewskiego: spisy. T. 2^ Województwo trockie XIV—XVIII wiek / Instytut Historii Polskiej Akademii Nauk; pod red. A. Rachuby; oprac. H. Lulewicz [et al.]; przy współpr. A. Macuka i J. Aniszczanki. — Warszawa: Wydawnictwo DiG, 2009. — 687 s. — S. 560.