Калектыў (ад лац.: collectivus — зборны) — група, сукупнасць людзей, якія працуюць у адной арганізацыі, на адным прадпрыемстве, аб’яднаных сумеснай дзейнасцю ў рамках якой-небудзь арганізацыі. Па віду дзейнасці адрозніваюць працоўныя, навучальныя, ваенныя, спартыўныя, мастацкай самадзейнасці і іншыя калектывы. У шырэйшым сэнсе — людзі, аб’яднаныя агульнымі ідэямі, інтарэсамі, запатрабаваннямі.
Таксама, у сучаснай тэорыі сістэм, тэрмін калектыў выкарыстоўваецца для абазначэння некаторых відаў размеркаваных дэцэнтралізаваных сістэм.[1]