Кайфэн — горад у кітайскай правінцыі Хэнань на рацэ Хуанхэ. Адлегласць ад Чжэнчжоу, сталіцы правінцыі, — каля 70 кіламетраў. Кайфэн з’яўлецца адной з гістарычных сталіц Кітая.
У 1642 годзе Кайфэн быў затоплены мінскай імператарскай арміяй водамі ракі Хуанхэ, каб прадухіліць магчымасць захопу горада атрадамі сялянскіх паўстанцаў пад кіраўніцтвам Лі Цычэна. У часы імператара Кансі з 1662 года затоплены горад пачалі ўзнаўляць і адбудоўваць, але ў 1841 годзе Кайфэн напаткаў той жа лёс і горад зноў знік пад водамі ракі Хуанхэ. У 1843 годзе пачалася праца па яго чарговаму аднаўленню.