Кавабата Ясунары (яп.: 川端 康成 — Kawabata Yasunari; 11 чэрвеня 1899, Осака — 16 красавіка 1972), вядомы японскі пісьменнік, кавалер французскага ордэна літаратуры і мастацтва (1960), лаўрэат Нобелеўскай прэміі па літаратуры (1968). Асноўныя творы: аповесці «Тысячакрылы журавель», «Снежная краіна», «Старая сталіца», «Стогн гары» і інш. Сваёй ключавой працай сам Кавабата лічыў аповесць «Мэйдзін». Творы пісьменніка перакладзеныя на шмат моў свету. Памёр у сябе дома ў Дзусі ў 1972 г., па адной з версій, з-за атручэння ўгарным газам. Паводле другой версіі, лічыцца, што Кавабата здзейсніў самазабойства, аднак сапраўдныя прычыны смерці дагэтуль застаюцца нявысветленымі.