Кабішча́нка (у верхнім цячэнні — Пальмі́нка) — рака ў Гарадоцкім раёне Віцебскай вобласці, правы прыток ракі Лужаснянка (басейн Заходняй Дзвіны).
Даўжыня 28 км[1]. Плошча вадазбору 137 км² (166[2]). Сярэдні нахіл воднай паверхні 1,2 ‰. Выцякае з возера Болецкае за 0,6 км на паўднёвы ўсход ад вёскі Новы Болецк, вусце за 0,4 км на паўднёвы ўсход ад вёскі Латыгава. Асноўны прыток — рака Нырка (злева).
Уздоўж ракі вёскі Лапушніца, Яроненкі, Раманава, Пальмінка, Кабішча. У басейне ракі знаходзяцца азёры Мазганоўка і Удзебна.