Кабінаго́рскі сельсавет — адміністрацыйна-тэрытарыяльная адзінка ў складзе Слаўгарадскага раёна Магілёўскай вобласці. Цэнтр — горад Слаўгарад (не ўваходзіць у склад).
Утвораны 6 лютага 1996 года ў складзе Слаўгарадскага раёна Магілёўскай вобласці. 17 ліпеня 2006 года да сельсавета далучана тэрыторыя скасаванага Каменкаўскага сельсавета (9 населеных пунктаў: Агеева, Благадаць, Васход, Дубна, Казакоўка, Крамянка, Новая Каменка, Старая Каменка і Сычын)[1]. 23 снежня 2009 года ў склад сельсавета з Васькавіцкага сельсавета перададзены 4 населеныя пункты (Гайшын, Рудня, Чачораўка і Ясяновіца)[2]. 13 чэрвеня 2014 года скасавана вёска Казакоўка[3].
Насельніцтва сельсавета паводле перапісу 2009 года (15 населеных пунктаў) — 744 чалавекі[4], з іх 94,8 % — беларусы, 3,6 % — рускія, 0,9 % — украінцы[5].
Станам на 2011 года ў сельсавеце 495 двароў, 1130 жыхароў[6].