Зулусы (зулу amaZulu, англ. Zulus) — афрыканскі народ колькасцю каля 10 млн. чалавек, які жыве ў асноўным у правінцыі Квазулу-Натал ў Паўднёва-Афрыканскай Рэспубліцы. Невялікія групы зулусаў пражываюць таксама ў Зімбабвэ, Замбіі і Мазамбіку. Мова зулу належыць да групы нгуні сям’і банту. Зулускае каралеўства адыграла важную ролю ў гісторыі цяперашняй ПАР у XIX і XX стагоддзях. У эпоху апартэіду зулусаў ў ПАР, найбуйную этнічную групу, разглядалі як грамадзян другога гатунку.