Зборная Габона па футболе прадстаўляе Габон у міжнародных матчах і турнірах па футболе. Кіруючая арганізацыя — Габонская федэрацыя футбола.
Зборная Габона ні разу не ўдзельнічала ў фінальнай частцы чэмпіянаце свету і сем разоў станавілася ўдзельнікам фінальнай часткі Кубка афрыканскіх нацый. Калі ў першым розыгрышы — у 1994 годзе — габонцы былі жорстка бітыя ў групе егіпцянамі і нігерыйцамі з агульным лікам 0:7, то на наступным Кубку Афрыкі ў 1996 годзе ім удалося выйсці ў 1/4 фіналу — найвышэйшае іх дасягненне. У трэцім для сябе розыгрышы Кубка афрыканскіх нацый у 2000 годзе «Пантэры» выступілі гэтак жа няўдала, як і ў першым — апошняе месца ў групе. На Кубку афрыканскіх нацый 2010 у Анголе Габон быў блізкі да таго, каб паўтарыць свой поспех 1996 года, аднак, пры роўнасці ачкоў, але пры горшай розніцы забітых і прапушчаных галоў, «пантэры» засталіся на трэцім месцы ў сваёй групе.
Самы рэальны шанец патрапіць на чэмпіянат свету зборная Габона мела па ходзе адбору на чэмпіянат 2010 года, бо лідзіравала ў адборачнай групе пасля трох тураў, апярэджваючы магутную зборную Камеруна. У другой частцы камерунцы атрымалі тры перамогі запар пры ўсяго адной перамозе Габона зрабілі пераможцам групы менавіта «неўтаймоўных львоў».
У 2012 годзе Габон сумесна з Экватарыяльнай Гвінеяй прынялі ў сябе Кубак афрыканскіх нацый, і, як следства, зборная Габона была вызвалена ад кваліфікацыйнага раўнду і атрымала пуцёўку на галоўны кантынентальны турнір напрамую. Зборная Габона тройчы станавілася пераможцам рэгіянальных турніраў для зборных краін Цэнтральнай Афрыкі — чэмпіянату УДЕАК (UDEAC Championship) у 1985 і 1988 гадах і кубка УНІФАК (UNIFAC Cup) у 1999 годзе.