Зальбанд (ням.: Sahlband) — у геалогіі зона кантакту мінеральнай жылы з бакавымі пародамі[1]. У жылах з нераўнамерным запаўненнем розным мінеральным рэчывам прызальбандавая частка складзеная іншым мінеральным агрэгатам, чым цэнтральная частка[2]. У той жа час у жылах раўнамернага па складзе выканання прызальбандавая і цэнтральная часткі складаюцца з адных і тых жа мінералаў[2].