Жытомірскі раён[1] (укр.: Житомирський район) — адміністрацыйная адзінка ў складзе Жытомірскай вобласці Украіны. Адміністрацыйны цэнтр — Жытомір[1] (укр.: Житомир).
Утвораны ў 1939 годзе.
У пачатку 1960-х гадоў ён быў рэарганізаваны — тэрыторыя і населеныя пункты пераведзеныя ў асноўным у Карастышэўскае тэрытарыяльнае кіраванне, астатнія — да Бярдзічава.
4 жніўня 1965 года ўказам Прэзідыума Вярхоўнага Савета Украінскай ССР быў зноў адноўлены Жытомірскі раён з адміністрацыйным цэнтрам у г. Жытоміры.
17 ліпеня 2020 года ў выніку адміністрацыйна-тэрытарыяльнай рэформы раён быў узбуйнены. Да ўзбуйнення тэрыторыя раёна адміністрацыйна складалася з 1 пасялковага і 30 сельскіх саветаў, у якіх было 3 пасёлкі гарадскога тыпу і 87 вёсак.