wd wp Пошук:
    ⬜

    Журчалкі

    Журчалкі, таксама Кветкавыя мухі[2] (Syrphidae) — сямейства двухкрылых насякомых, падатрад кароткавусыя (Brachycera).

    Агульная характарыстыка

    Адно з найбольш шырокіх сямействаў кароткавусых двухкрылых, сустракаюцца паўсюдна, акрамя пустыня ў і тундраў, і на ўсіх мацярыках, акрамя Антарктыды. У сусветнай фаўне — 6000 відаў, у Палеарктыцы — 1600. Выкапнёвыя журчалкі апісаны з эацэна. Падобныя да восаў, але на самай справе яны бяскрыўдныя. Вельмі хутка лётаюць і махаюць крыламі. Афарбоўка чорна-жоўтая. Формай цела нагадваюць перапончатакрылых — так яны маскіруюцца ад ворагаў.

    Асаблівасці біялогіі

    Лічынкі журчалак – драпежнікі, фітафагі ці сапрафагі. Лічынкі некаторых відаў з’яўляюцца шкоднікамі гародных і дэкаратыўных раслін.

    Імага журчалак сілкуюцца нектарам ці пылком кветак.

    Некаторыя віды журчалак звязаны з грамадскімі насякомымі. Напрыклад, члены роду Volucella знаходзяцца ў гнёздах чмялёў, а прадстаўнікі роду Microdon з’яўляюцца мірмекафіламі і знаходзяцца ў мурашніках і тэрмітніках.

    Класіфікацыя

    3 падсямействы, каля 200 родаў. Некаторыя прадстаўнікі сямейства журчалак:

    Галерэя

    Зноскі

    1. ↑ Evenhuis N. L., Pape T., Pont A. C., Thompson, F. C. (2008). Syrphidae. Biosystematic Database of World Diptera (англ.)   (Праверана 19 студзеня 2010)
    2. ↑ Напісанне Журчалкі, Кветкавыя мухі ў адпаведнасці з БЭ ў 18 тамах., Т.6. Мн., 1998, С.453
    Тэмы гэтай старонкі (4):
    Катэгорыя·Вікіпедыя·Артыкулы з пераазначэннем значэння з Вікідадзеных
    Катэгорыя·Жывёлы паводле алфавіта
    Катэгорыя·Журчалкі
    Катэгорыя·Сямействы насякомых