У Вікіпедыі ёсць артыкулы пра іншых асоб з прозвішчам Дзюпрэ.
Жуль Дзюпрэ (фр. Jules Dupré; 5 красавіка 1811, Нант — 6 кастрычніка 1889, Л’Іль-Адам) — французскі мастак, адзін з найбуйнейшых прадстаўнікоў барбізонскай школы. Лічыцца заснавальнікам сучаснага французскага пейзажу.
Ж. Дзюпрэ нарадзіўся ў сям’і фабрыканта, вытворцы фарфоравых вырабаў. Як мастак-пейзажыст дэбютаваў у 1831 годзе на Парыжскім салоне з пяццю сваімі творамі. Пісаў практычна выключна французскі пейзаж (акрамя некаторых работ 1835—1839 гадоў, створаных у Англіі).
У 1867 годзе на Сусветнай выставе дэманструюцца 12 карцін Ж. Дзюпрэ. Пасля гэтага мастак працяглы час не выстаўляў свае творы — да Нацыянальнай выставы 1883 года, дзе можна было ўбачыць восем новых яго работ. Большасць яго прац, як правіла, пераходзіла да пакупнікоў і замоўцам прама з яго майстэрні. Цяпер жа гэтыя творы сустракаюцца ў грамадскіх і прыватных калекцыях. Напрыклад, у Кушалеўскай галерэі Імператарскай акадэміі мастацтваў знаходзіліся два пейзажы Дзюпрэ. Ж. Дзюпрэ было прысвоена званне афіцэра ордэна Ганаровага легіёна.
Ж. Дзюпрэ з’яўляецца прадстаўніком так званага «інтымнага пейзажа», які адлюстроўвае не столькі прыгажосць адлюстраванай прыроды, колькі адпаведнасць яе настрою і перажыванням мастака, якая падаецца з дапамогай фарбы, лініі і святла.
Памёр жывапісец 6 кастрычніка 1889 года ў Л’Іль-Адане, каля Парыжа.