Жаскен Дэпрэ, Жаскен дэ Прэ (фр.: Josquin des Prez, Josquin Desprez, каля 1450 - 27 жніўня 1521) — французскі кампазітар, адзін з галоўных прадстаўнікоў франка-фламандскай поліфанічнай школы.
У 1477-78 пеўчы ў капэле Экс-ан-Праванса, у 1480-я гады (магчыма, таксама ў канцы 1490-х) служыў у кардынала Асканіа Сфорца ў Мілане, напачатку 1480-х, меркавана, пры двары Людовіка XI, у 1489-95 — у папскай капэле ў Рыме. У 1503-04 капельмайстар пры двары герцага ферарскага. З 1504 да канца жыцця жыл у Францыі, быў настаяцелем сабора ў Кандэ-сюр-л’Эско, у якім быў пахаваны (сабор і магіла разбураны французскімі рэвалюцыйнымі войскамі ў 1793).