Д-4 «Рэвалюцыянер» — савецкая вялікая дызель-электрычная падводная лодка, пабудаваная ў 1927—1930 гадах, чацвёрты карабель тыпу Д.
Першапачаткова падводная лодка звалася «Рэвалюцыянер», 21 жніўня 1934 была пераназвана ў Д-4, аднак як ва ўжытку так і ў афіцыйных дакументах звалася як «Д-4» так і «Рэвалюцыянер». Лодка была закладзена 14 красавіка 1927 на Заводзе ім. Марці № 198 у Мікалаеўе, завадскі № С-27/192, спушчана на ваду 16 красавіка 1929 і 30 снежня 1930 ўвайшла ў склад Чарнаморскага флота. У 1938—1940 была ў рамонце.