Дэвід Маршал Култхард MBE (анг. David Marshall Coulthard; 27 сакавіка 1971, Твінхольм, Керкубрышыр) — шатландскі аўтагоншчык, удзельнік чэмпіянатаў Формулы-1 з 1994 па 2008 г. Скончыў сваю кар’еру, выступаючы за каманду «Рэд Бул». Хоць Култхард ні разу не выйграваў чэмпіянат свету, ён лічыцца адным з найбольш паспяховых гоншчыкаў канца 1990-х - пачатку 2000-х гадоў, займаючы сёмае месца за ўсю гісторыю Формулы-1 па колькасці набраных за кар’еру ачкоў.