Дом-музей Элізы Ажэшка
Дом-музей Элізы Ажэшка — дом у Гродне, дзе некаторы час жыла і памерла пісьменніца Эліза Ажэшка.
Сучасны адрас: вуліца Ажэшка, 17.
Дом належаў адвакату Станіславу Нагорскаму — другому мужу Э. Ажэшка. У гэтым доме пісьменніца пражыла шаснаццаць гадоў і памерла ў 1910 г.
Доўгі час у доме было абласное аддзяленне Саюзу пісьменнікаў Беларусі. У былой гасцёўні Элізы Ажэшка быў кабінет, дзе працавалі вядомыя празаікі — Васіль Быкаў і Аляксей Карпюк. Музей адкрыўся ў 2001 г.
Пачынаецца знаёмства наведвальнікаў з домам-музеем з працоўнага кабінета знакамітай пісьменніцы. Сапраўдных рэчаў, звязаных з жыццём пісьменніцы, захавалася няшмат. Музей мае арыгінальны фотапартрэт з яе аўтографам, некалькі гербарыяў, зробленых яе рукамі. Таксама захаваўся ў гасцёўні сапраўдны камін, пад якім пісьменніца любіла пасядзець ды паразмаўляць. Рэшта экспанатаў толькі нагадвае тагачасную эпоху — стол, канапка, кніжная шафка.
У астатніх памяшканнях дому размясціўся юнацкі філіял абласной навуковай бібліятэкі імя Я. Карскага і аддзел літаратуры на замежных мовах.
Спасылкі
На Вікісховішчы ёсць медыяфайлы па тэме Дом-музей Элізы Ажэшка- У Горадні адкрыўся музэй Элізы Ажэжкі Архівавана 5 сакавіка 2016.
Катэгорыя·Музеі Гродна
Катэгорыя·Вуліца Ажэшка (Гродна)
Катэгорыя·Дамы-музеі Беларусі
Катэгорыя·Вікіпедыя·Артыкулы з пераазначэннем значэння з Вікідадзеных
Катэгорыя·Гісторыка-культурныя каштоўнасці Рэспублікі Беларусь
Category:%D0%A1%D1%82%D0%B0%D1%80%D0%BE%D0%BD%D0%BA%D1%96 %D0%B7 %D0%BA%D0%B0%D1%80%D1%82%D0%B0%D0%BC%D1%96
Катэгорыя·Эліза Ажэшка
Катэгорыя·Музеі паводле алфавіта