wd wp Пошук: ⬜

Доктар Албан

Доктар Албан, сапраўднае імя Албан Узома Нвапа (нарадзіўся 26 жніўня 1957, Агута, штат Імо, Нігерыя) — нігерыйскі музыка і прадзюсар. Пражывае ў Швецыі. Найбольш вядомы як выканаўца сусветнага хіта 1992 року «It’s My Life».

Біяграфія

Албан Узома Нвапа нарадзіўся ў сям’і сярэдняга класа, у бацькоў было 10 дзяцей. Сярэднюю адукацыю атрымаў у каледжы Хрыста Цара ў нігерыйскім горадзе Аба. Ва ўзросце 23 гадоў пераехаў у Швецыю дзеля вывучэння стаматалогіі. Каб мець магчымасць аплочваць адукацыю, уладкаваўся ды-джэем у стакгольмскі клуб «Alphabet Street». Гэта вельмі хутка зрабіла яго папулярным. Па сканчэнні навучання доктар Албан нават адкрыў сваю ўласную клініку, аднак дадаткова працягваў сваю музычную дзейнасць.

У 1990, сустрэўшыся з Дэнізам Попам з лэйблу «SweMix», запісаў з удзелам рэп-спявачкі Лэйлы К першую ўласную песню «Hello Africa». Дэбютны альбом «Hello Africa», які выйшаў ад імя доктара Албана, — даніна павагі сваёй адукацыі — быў прададзены па ўсім свеце ў колькасці каля мільёну асобнікаў.

Другі альбом «One Love», які выйшаў наступным годам, пераўзышоў поспех дэбютнага. Разышліся 1,6 мільёнаў дыскаў з песняй «It’s My Life», якая заняла 1-е месца ў чартах Аўстрыі, Нідэрландаў, Ізраілю, Швецыі і Германіі, а таксама 2-е ў Вялікабрытаніі. Гэта прынесла доктару Албану ўзнагароду на прэстыжным конкурсе World Music Award у Манака як найбольш паспяховаму афрыканскаму музыку—1993.

Наступны сінгл «One Love» быў прададзены ў 1,7 мільёнах асобнікаў і заняў 5-е месца ў Ізраілі. За ім услед рушылі альбомы «Look Who’s Talking» і «Born In Africa».

Доктар Албан стварыў уласную студыю гуказапісу «Dr. Records», дзе стаў выдаваць уласныя альбомы пачынаючы ад пласцінкі «Born in Africa», а таксама некаторых іншых выканаўцаўа, такіх як La Cream і Daddy Showkey.

Удзельнічаў у запісе сінгла Sash! і дэбютнага альбому Lady D, жонкі свайго стрыечнага брата.

У 2007 быў выдадзены новы альбом «Back to basics». Ён прадаваўся толькі ў інтэрнэце праз афіцыйную бачыну. Адзіным выключэннем стала Расія, дзе былі выдадзеныя CD і касеты.

У 2008 годзе разам з Хадэўэем выйшаў сінгл «I Love The 90’s». У 2009 з ім жа выдаў яшчэ адзін сінгл.

Дыскаграфія

Альбомы

1991 «Hello Afrika»
1992 «One Love»
1994 «Look Who’s Talking»
1996 «Born In Africa»
1997 «I Believe»
1997 «The Very Best Of 1990-1997»
2001 «Prescription»
2007 «Back To Basics»
2009 «On the Loose»

Сінглы

1990 «Hello Afrika» (Feat. Leila K.)
1990 «No Coke»
1991 «Sing Shi-Wo-Wo (Stop The Pollution)»
1991 «(We Are One Family) U & Mi»
1992 «It’s My Life»
1992 «It’s My Life (Raggadag Remix)»
1992 «One Love»
1993 «Sing Hallelujah»
1994 «Look Who’s Talking»
1994 «Away From Home»
1994 «Let the Beat Go On»
1995 «Sweet Dreams» (Swing featuring Dr. Alban)
1995 «This Time I’m Free»
1996 «Born In Africa»
1996 «Hallelujah Day»
1997 «Long Time Ago»
1997 «Mr. DJ»
1998 «Papaya Coconut» (feat. Кікі Даніэльсан)
1999 «Colour The World» (feat. Sash! & Inka Auhagen)
2000 «Because Of You»
2000 «What Do I Do»
2002 «I like to move it» (з DJ Aligator)
2003 «Work Work»
2004 «Sing Hallelujah Recall 2004»
2005 «Sing Hallelujah (Remix)» (feat. Yamboo)
2007 «Somebody Call My Name (Habibi)» (feat. Melissa)
2007 «Don’t Joke With Fire»
2008 «I Love The 90’s» (feat. Хадэўэй)
2008 «My cool» (з Аль Азыфам & Адамам Тэнстам)
2009 «Carolina» (feat Charlie boy+Dekumzy)
2009 «Work work» (feat Charlie boy+Dekumzy)

Зноскі

↑ Dr. Alban // SNAC — 2010. Праверана 9 кастрычніка 2017.
↑ Alban Nwapa // ČSFD — 2001.

Спасылкі

На Вікісховішчы ёсць медыяфайлы па тэме Доктар Албан
Афіцыйная старонка
Студыя «Dr. Alban records»
Інфармацыя пра Доктара Албана