У Вікіпедыі ёсць артыкулы пра іншых асоб з прозвішчам Томпсан.
Джэніфер Элізабет «Джэні Бэт» Томпсан (англ.: Jennifer Elisabeth (“Jenny Beth”) Thompson, нар. 26 лютага 1973) — амерыканская плыўчыха, адна з самых тытулаваных спартсменак свету. Уладальніца 12 алімпійскіх медалёў, у тым ліку 8 залатых (усе — у эстафетным плаванні). 18-разовая чэмпіёнка свету: 7 тытулаў заваявала ў 50-метровых басейнах, 11 — на кароткай вадзе. Спецыялізавалася ў плаванні вольным стылем (спрынт) і батэрфляем. У 2006 годзе атрымала дыплом доктара, у цяперашні час працуе анестэзіёлагам у адной з бальніц Бостана.