Джу́бга (руск.: Джу́бга) — пасёлак гарадскога тыпу (курортны пасёлак) у Туапсінскім раёне Краснадарскага края Расіі. Адміністрацыйны цэнтр Джубгскага гарадскога паселішча. Пасёлак размешчаны на ўзбярэжжы Джубскай бухты Чорнага мора ў даліне і вусці ракі Джубга, у лясным масіве (лісцевыя і іглічныя пароды); за 52 км на паўночны захад ад раённага цэнтра — Туапсэ. Ад Краснадара да Джубгі праз Адыгейск, Гарачы Ключ і перавал Хрыбтавы вядзе аўтатраса (М4 і М27) працягласцю 108 км.
Пляжы ў Джубзе пераважна пясчаныя і пясчана-галькавыя.