Джордж Арліс (англ.: George Arliss, 10 красавіка 1868 — 5 лютага 1946) — брытанскі акцёр, сцэнарыст і рэжысёр, які дамогся найбольшага поспеху ў ЗША. Ён стаў першым брытанскім акцёрам, які атрымаў прэмію «Оскар».
Джордж Аўгустус Эндрус нарадзіўся 10 красавіка 1868 года ў Лондане. Яго акцёрская кар’ера пачалася на тэатральных сцэнах Вялікабрытаніі ў 1887 годзе. Поспех да яго прыйшоў у 1900 годзе, калі ён стаў з’яўляцца на сцэне лонданскага Уэст-Энда. У 1901 годзе Джордж адправіўся ў тэатральнае турнэ ў ЗША разам з трупай місіс Патрык Кэмпбэл і застаўся там на наступныя 20 гадоў. У 1921 годзе пачалася яго кінакар’ера. У 1929 годзе Арліс стаў уладальнікам прэміі «Оскар» за ролю ў фільме «Дызраэлі».