У Вікіпедыі ёсць артыкулы пра іншых асоб з прозвішчам Хол (значэнні).
Джон Люіс «Ян» Хол (англ.: John Lewis “Jan” Hall; нар. 21 жніўня 1934, Дэнвер, штат Каларада, ЗША) — амерыканскі фізік, лаўрэат Нобелеўскай прэміі па фізіцы (2005) «За ўклад у развіццё лазернага высокадакладнага спектраскапіравання і тэхнікі прэцызійнага разліку светлавога зруху ў аптычных стандартах частаты» сумесна з Тэадорам Хэншам.
Прайшоў тры ступені ў Тэхналагічным інстытуце Карнегі: бакалаўр (1956), магістр (1958) і доктар (1961). Скончыў свае постдоктарскія даследаванні ў Нацыянальным універсітэце стандартаў і тэхналогій, і затым працаваў там з 1962 да адстаўкі ў 2004 годзе. Чытаў лекцыі ва Універсітэце Каларада ў Боўлдэры з 1967 г.