Джозеф Франклін Рутэрфорд (англ.: Joseph Franklin Rutherford, дата нараджэння 8.11.1869, Версаль, Місуры — 8 студзеня 1942, Сан-Дыега, Каліфорнія) — амерыканскі релігійный дзеяч, сведак Іеговы, другі прэзідэнт Таварыства Вартавой Вежы, юрыст, пісьменнік.
Дж. Рутэрфорд нарадзіўся 8 лістапада 1869 г. у сям’і фермера ў Місуры. Ва ўзросце 20 год, пасля вучобы ў каледжы і юрыдычнай стажыроўкі ён пачаў працаваць судовым пратакалістам, а з 1892 г. Рутэрфорд атрымаў афіцыйнае права займацца юрыспрудэнцыяй, пасля чаго некаторы час працаваў суддзей 8-й судовай акругі Місуры[3].
З 1894 года суддзя Рутэрфорд пазнаёміўся з вучэннямі Міжнародных даследчыкаў Бібліі, а ў 1906 годзе хрысціўся як адзін з іх. Да знаёмства з Даследчыкамі Бібліі лічыў сябе атэістам[4]. Пасля хрышчэння пачаў актыўна ўдзельнічаць у дзейнасці арганізацыі, якая пазней стала вядома як Сведкі Іеговы
З 1917 гаода да сваёй смерці ў 1942 г. быў 2-м прэзідэнтам Таварыства Вартавой Вежы. Яго абранне выклікала апазіцыю некаторых дырэктараў Таварыства, але большасць Даследчыкаў Бібліі падтрымала Рутэрфорда[5].
У 1918 годзе разам з некаторымі іншымі Даследчыкамі Бібліі асуджаны па парушэнню закона ЗША аб шпіянажы (1917 г.) і заключаны ў турму горада Атланта. Пазней усіх абвінавачаных выпусцілі пад заклад і ў 1919 г. поўнасцю рэаблітавалі[6].
Падчас прэзідэнцтва Рутэрфорда у арганізацыі адбыліся пэўныя змены. З 1922 г. усіх Даследчыкаў Бібліі заклікалі прапавадаваць па дамах. З 1931 года Даследчыкі Бібліі сталі называцца Сведкамі Іеговы.
Рутэрфорд з’яўляецца аўтарам шэрагу рэлігійных кніг і прамоў, запісаных грампласцінкі.