wd wp Пошук: ⬜

Джахар Мусаевіч Дудаеў

Джахар Мусаевіч Дудаеў (чач. Дудзі Муса кант Джахар; 15 лютага 1944, Ялхоры, Чачэна-Інгушская АССР, СССР — 21 красавіка 1996, Гехі-чу, Чачэнская Рэспубліка, Расійская Федэрацыя) — чачэнскі ваенны, дзяржаўны і палітычны дзеяч, лідар чачэнскага незалежніцкага руху 1990-х, першы прэзідэнт самаабвешчанай Чачэнскай Рэспублікі Ічкерыя. У мінулым — генерал-маёр авіяцыі, адзіны генерал — чачэнец у Савецкай Арміі.

Біяграфія

Быў выселены з Чачні разам з сям’ёй у Казахстан. Вярнуўся ў Чачню ў 1957 годзе. У 1960 годзе паступіў на вучобу ў Тамбоўскае ваеннае лётнае вучылішча. Пасля гэтага служыў у савецкім войску. У 1980-х гадах браў удзел у вайне з маджахедамі ў Афганістане. Пасля развалу СССР вярнуўся ў Чачню і пачаў палітычную дзейнасць. 27 кастрычніка 1991 года быў абвешчаны прэзідэнтам Чачні. 21 красавіка 1996 года Джахар Дудаеў быў забіты ракетным ударам з расійскага самалёта.

Сям’я

12 верасня 1969 года Джахар Дудаеў ажаніўся з Алай Куліковай. Меў трох дзяцей — Аўлур (сын), Дэгі (сын) і Дана (дачка). Іх лёс невядомы з-за боязі пераследу з боку расійскіх уладаў.

Цытаты

Афганістан, Ічкерыя, іншыя цяжкасці паменшылі трошкі апетыты [Расіі]. Але не прыпынілі. У Крыме яшчэ будзе бойня, Украіна яшчэ сыйдзецца ў бітве з Расіяй. Пакуль русізм існуе, ён ніколі не адмовіцца ад сваіх амбіцый. Вось цяпер пад славянскай маркай хочуць, як і ў ранейшыя часы, падмяць пад сябе Украіну, Беларусь і гэтак далей...^[4]

Джахар Дудаеў, 1995 год

Гл. таксама

Зноскі

↑ Bibliothèque nationale de France data.bnf.fr: платформа адкрытых даных — 2011. Праверана 10 кастрычніка 2015.
↑ Dschochar Dudajew // Munzinger Personen Праверана 9 кастрычніка 2017.
↑ Дудаеў Джахар Мусаевіч
↑ Джохар Дудаев: Украина еще схлестнется с Россией | Интервью, 1995 год (video)

Папярэднік:
—

Прэзідэнт Чачэнскай Рэспублікі Ічкерыі

кастрычнік 1991 — красавік 1996

Пераемнік:
Зелімхан Абдулмуслімавіч Яндарбіеў (в.а.)
Аслан Аліевіч Масхадаў