Даўгай (літ.: Daugai, традыцыйная беларуская назва — Даўгі́) — горад у Алітускім раёне Алітускага павета Літвы. Адміністрацыйны цэнтр аднайменнай сянюніі.
Даўгай размешчаны за 22 км ад Алітуса і за 88 км ад сталіцы Літвы Вільнюса. Размешчаны ля возера Даўгай.
Упершыню згадваецца ў 1384 годзе ў хроніцы Тэўтонскага ордэна як паселішча Даўгі на дарозе з Трокаў у Вільню[1]. У 1792 годзе атрымаў правы горада. У 1793 годзе сойм Рэчы Паспалітай пазбавіў Даўгі правоў горада.
Пасля трэцяга падзелу Рэчы Паспалітай у 1795 годзе ўвайшоў у склад Троцкага павета Віленскай губерні Расійскай імперыі са статусам мястэчка, якое насіла назву Даўгі. З 1940 года знаходзіўся ў Алітускім раёне Літоўскай ССР, СССР. У 1956 годзе атрымаў статус горада. У 1950—1959 гадах быў цэнтрам Даўгайскага раёна.
З 1991 года ўваходзіць у склад Літвы. Сучасны герб зацверджаны 4 жніўня 1998 года.
Дынаміка насельніцтва Даўгая | |||||||||||||
---|---|---|---|---|---|---|---|---|---|---|---|---|---|
Год | 1833 | 1880 | 1897 | 1959 | 1970 | 1979 | 1989 | 2001 | 2010 | ||||
жыхароў | 368 | 833 | 1 288 | 1 287 | 1 384 | 2 054 | 2 790 | 1 458 | 1 396 | ||||
У савецкі час у горадзе дзейнічаў малаказавод, было развіта рыбалоўства[2].