Дарувар
Да́рувар (харв.: Daruvar) — горад у цэнтральнай Харватыі, Знаходзіцца ў Б’елаварска-Білагорскай жупаніі. У 2011 годзе — 11.633 жыхароў.
Гісторыя
Паселішча на месцы сучаснага мястэчка з’явілася да нашай эры. Кельцкія плямёны жылі каля гарачых лячэбных крыніц у Даруварскай даліне.
У складзе Рымскай імперыі мясцовыя кельты мелі аўтаномію, іх сталіца называлася Аква Балісае (Aqua Balissae) і знаходзілася на месцы сучаснага Дарувара. Горад і гарачыя крыніцы неаднаразова наведвалі імператары.
У VII стагоддзі рэгіён засялілі славяне. Горад да XVIII стагоддзя быў вядомы пад рознымі назвамі — Падбор’е, Топліцы, Дабракуча.
У 1543 годзе мястэчка захапілі туркі і ператварылі ў турэцкі ўмацаваны пункт на граніцы з імперыяй Габсбургаў. У 1699 годзе туркі былі выбіты аўстрыйскай арміяй.
У 1771 годзе Падбор’е і ваколіцы сталі ўласнасцю князя Антуна Янковіча. Ён пераназваў Падбор’е ў Дарувар (ад венгерскага «Daru» — журавель) і мэтанакіравана заняўся стварэннем вакол лячэбных крыніц курортнай інфраструктуры.
У 1837 годзе Дарувар атрымаў статус вольнага каралеўскага горада. У 1856 годзе была заснавана першая школа. У 1866 годзе пачала працаваць школа для дзяўчынак.
Падчас вайны за незалежнасць Харватыі ў 1990-х гадах у ваколіцах адбываліся баі, якія нанеслі Дарувару значную шкоду. З горада сышло шмат сербскага насельніцтва, якое да вайны складала 33,47%. Поасля заканчэння вайны разбураныя будынкі былі адноўлены.
У горадзе дзейнічае касцёл і Зала царства сведкаў Еговы.
Славутасці
- Мінеральныя крыніцы. Санаторыі на крыніцах прыцягваюць шмат турыстаў.
- Царква Св. Тройцы (1764)
- Сербская праваслаўная царква (XVII ст.)
- Замак князя Янковіча (1777)
Спасылкі
На Вікісховішчы ёсць медыяфайлы па тэме Дарувар- Афіцыяльны сайт горада
Катэгорыя·Вікіпедыя·Артыкулы з пераазначэннем значэння з Вікідадзеных
Катэгорыя·Гарады Харватыі
Category:%D0%A1%D1%82%D0%B0%D1%80%D0%BE%D0%BD%D0%BA%D1%96 %D0%B7 %D0%BA%D0%B0%D1%80%D1%82%D0%B0%D0%BC%D1%96
Катэгорыя·Населеныя пункты паводле алфавіта
Катэгорыя·Нявызначаная краіна (тэлефонны код)