У Вікіпедыі ёсць артыкулы пра іншых асоб з прозвішчам Мядзведзеў.
Данііл Сяргеевіч Мядзведзеў (руск.: Дании́л Серге́евич Медве́дев; нар. 11 лютага 1996, Масква) — расійскі прафесійны тэнісіст, былая першая ракетка свету ў адзіночным разрадзе. Пераможца аднаго турніру Вялікага шлема (Адкрыты чэмпіянат ЗША-2021), фіналіст трох турніраў Вялікага шлема ў адзіночным разрадзе (Адкрыты чэмпіянат ЗША-2019, Адкрыты чэмпіянат Аўстраліі-2021, Адкрыты чэмпіянат Аўстраліі-2022), пераможца Выніковага турніру ATP 2021 года, пераможца 13 турніраў ATP у адзіночным разрадзе, уладальнік Кубка Дэвіса і Кубка ATP 2021 года ў складзе зборнай Расіі. Адзін з трох расійскіх тэнісістаў у гісторыі, якія перамагалі на турніры Вялікага шлема ў мужчынскім адзіночным разрадзе.