Дамкрат (гал. dommekracht[1]) — пераносны або перасоўны механізм для падымання цяжараў на невялікую (да 2 м) вышыню. Паводле прынцыпу дзеяння адрозніваюцца дамкраты рычажна-рэечныя, рэечныя з зубчастымі перадачамі, вінтавыя і гідраўлічныя; паводле тыпу прыводу — ручныя і маторныя.[2] Грузапад’ёмнасць ад некалькіх кілаграмаў да соцень тон. Выкарыстоўваюцца пры будаўнічых, рамонтных і пагрузачна-разгрузачных работах, на аўтамабільным транспарце.