wd wp Пошук: ⬜

Густаў VI Адольф

У Вікіпедыі ёсць артыкулы пра іншых людзей з імем Густаў.

Густаў VI Адольф (11 лістапада 1882 — 15 верасня 1973) — кароль Швецыі ў 1950—1973 гг.

Ганаровы член Брытанскай акадэміі (1953).

Старэйшы сын караля Густава V і Вікторыі Бадэнскай. Ад нараджэння насіў тытул герцага Сконскага. Яго першая жонка, Маргарыта Канаўцкая (з 1905) — унучка каралевы Вікторыі, дачка герцага Артура Канаўцкага.

Меў ад яе чатырох сыноў і дачку:

Густаў Адольф, герцаг Вестэрботэнскі (1906—1947)
Сігвард (1907—2002),
Інгрыд (1910—2000), каралева Даніі, жонка Фрэдэрыка IX і маці Маргрэтэ II,
Бертыль (1912—1997),
Карл Юхан (1916—2012).

Маргарыта загінула ад заражэння крыві пры аперацыі 1 мая 1920 года, за 30 гадоў да ўступлення Густава на пасад. Другая жонка (з 1923), Луіза Батэнберг (Маўнтбетэн) — цётка герцага Філіпа Эдынбургскага, з 1950 года — каралева Луіза. У другім шлюбе дзяцей не было.

Уступіў на трон ва ўзросце 67 гадоў, выкарыстаў дэвіз: шведск.: Plikten framför allt («Абавязак перш за ўсё»). Падчас праўлення Густава VI пачалася праца па канстытуцыйнай рэформе (новая Канстытуцыя прынята ў 1975 годзе, ужо пасля яго смерці). Як манарх быў вельмі папулярны. Захапляўся археалогіяй і батанікай. Удзельнічаў у археалагічных экспедыцыях у Кітаі (спецыялізаваўся на кітайскім мастацтве), Грэцыі, Італіі, заснаваў Шведскі інстытут у Рыме. Як батанік, сабраў вялікую калекцыю кветак. Меў бібліятэку ў 80 тысяч тамоў, чытаў.

Памёр ад запалення лёгкіх, пахаваны не ў магільным склепе каралёў у Рыдархольмскай царкве, а ў Хазе. Яго пераемнікам стаў 27-гадовы ўнук Карл XVI Густаў (старэйшы сын Густава Адольфа, герцага Вестэрботэнскага, які загінуў ў 1947 годзе, яшчэ да ўступлення бацькі на трон).

Зноскі

1 2 Hovförsamlingens kyrkoarkiv, Födelse- och dopböcker, SE/SSA/0007/C I/6 (1861-1886), bildid: 00033265_00118 Праверана 27 красавіка 2018.
1 2 Gustav VI Adolf // Encyclopædia Britannica Праверана 9 кастрычніка 2017.
↑ Lundy D. R. Oskar Frederik Vilhelm Olaf Gustaf VI Adolf Bernadotte, King of Sweden // The Peerage Праверана 9 кастрычніка 2017.
1 2 Hovförsamlingens kyrkoarkiv, Församlingsböcker, SE/SSA/0007/A II a/5 (1871-1890), bildid: 00033252_00008 — С. 5. Праверана 27 красавіка 2018.
1 2 3 Kindred Britain
1 2 (unspecified title) Праверана 7 жніўня 2020.
1 2 3 4 Lundy D. R. The Peerage
↑ List of Royal Society Fellows 1660-2007 — Лонданскае каралеўскае таварыства. — С. 150.

Папярэднік:
Густаў V

Кароль Швецыі

29 кастрычніка 1950 — 15 верасня 1973

Пераемнік:
Карл XVI Густаў