Губкінскі (руск.: Губкинский) — горад (з 1996) у Расіі, у Пураўскім раёне Ямала-Ненецкай аўтаномнай акругі. Насельніцтва 22,3 тыс. чал. (2007). Заснаваны ў 1986 годзе. Размешчаны на левым беразе ракі Пяку-Пур, за 200 км ад паўночнага палярнага круга ў паўночна-усходняй часцы Заходне-Сібірскай нізіны, у лесатундравай зоне. За 16 км ад горада знаходзіцца чыгуначная станцыя Пурпе на лініі Цюмень — Сургут — Новы Урэнгой.
Нафтагазаздабываючая прамысловасць.