Гро́дзінскі сельсавет — адміністрацыйна-тэрытарыяльная адзінка ў складзе Ашмянскага раёна Гродзенскай вобласці. Цэнтр — вёска Гродзі.
Утвораны 20 чэрвеня 1988 года ў складзе Ашмянскага раёна Гродзенскай вобласці БССР з часткі скасаванага Палянскага сельсавета. У 2002 годзе скасаваны хутары Краўчышкі і Рачкі.
Насельніцтва сельсавета паводле перапісу 2009 года — 1051 чалавек[2], з іх 91,2 % — беларусы, 5,7 % — палякі, 1,2 % — рускія, 1,1 % — цыганы[3].