wd wp Пошук:
    ⬜

    Герб Клайпеды

    Герб Клайпеды (літ.: Klaipėdos herbas) — афіцыйны сімвал горада Клайпеда, адміністрацыйнага цэнтра Клайпедскага павета Літвы. Выкарыстоўваецца таксама ў якасці герба гарадскога муніцыпалітэта. Аўтар сучаснага герба — Кястуціс Міцкявічус[1].

    Апісанне

    Герб уяўляе сабой іспанскі шчыт, у чырвоным полі якога намалявана залатая зубчастая мураваная сцяна з трыма вежамі, цэнтральная большая. Вакол вежаў 4 пяцівугольныя зорачкі. Пад сцяной човен[2].

    Сімвалізм

    Паводле меркавання большасці гісторыкаў і геральдыстаў, на гербе намаляваны Мемельскі замак(літ.) бел.. Існуе таксама версія, што дзве драўляныя вежы — гэта навігацыйныя маякі, якія сімвалізуюць порт Мемель. Човен з’яўляецца сімвалам значнага транспартнага цэнтра і суднаходства, а зоркі, як лічыцца, паказваюць дарогу караблям[3].

    Гісторыя

    Герб горада на працягу яго гістарычнага развіцця практычна не змяняўся. Найстарэйшая выява герба Мемеля, якая дайшло да нашага часу, выканана на гарадской пячатцы 1619 года[1].

    На адным з клайпедскіх дамоў XVIII стагоддзя захавалася рэльефная выява герба Мемеля ў авальным шчыце, з нашлемнікам у выглядзе хлопчыка[4].

    Выява зубчастай сцяны з трыма вежамі і чоўнам але без зорак, выкарыстоўвалася на гарадской пячатцы 1900 года і гербе Мемеля 1918 года[5].

    У савецкі час герб Клайпеды ўпершыню апрабаваны Рэспубліканскай геральдычнай камісіяй у 1969 годзе. Аўтарам ўзноўленага герба стаў Ёнас Стумбрас. Герб паўтараў гістарычны сімвал горада, але быў выкананы на варажскім шчыце, ад якога пазней адмовіліся[1].

    Сучасны выгляд герба горада распрацаваны ў адпаведнасці з гістарычнай версіяй Клайпедскім цэнтрам дызайну і зацверджаны 1 ліпеня 1992 года[1].

    Зноскі

    1. 1 2 3 4 Miesto herbas — primiršta istorija (літ.)
    2. ↑ ГЕРБ ГОРОДА КЛАЙПЕДА (КЛАЙПЕДСКИЙ УЕЗД)
    3. ↑ Miesto herbas — primiršta istorija. «15-min.lt», 13.10.2010 (літ.)
    4. ↑ Memel-Neustadt Архівавана 16 мая 2016.
    5. ↑ Klaipėdos miesto savivaldybė (руск.)

    Літаратура

    Спасылкі

    Тэмы гэтай старонкі (4):
    Катэгорыя·Вікіпедыя·Артыкулы з пераазначэннем значэння з Вікідадзеных
    Катэгорыя·Гербы гарадоў Літвы
    Катэгорыя·Клайпеда
    Катэгорыя·Гербы паводле алфавіта