Герб Бялынічаў — афіцыйны геральдычны сімвал горада Бялынічы Магілёўскай вобласці. Герб зарэгістраваны ў Гербавым матрыкуле Рэспублікі Беларусь 12 ліпеня 2002 года № 91.
У блакітным полі варажскага шчыта выява Бялыніцкай Маці Божай з немаўляці на руках у залатым адзенні.
Герб горада і палажэнне аб ім зацверджаны рашэннем Бялыніцкага раённага Савета дэпутатаў ад 27 снежня 2001 года № 13/11. Аўтар герба і мастак Л. В. Журавовіч[1].