wd wp Пошук: ⬜

Геранім Эміліяні

Геранім Эміліяні (1486, Венецыя — 8 лютага 1537, Бергама) — каталіцкі святы.

Біяграфія

Жадаючы вайсковай кар’еры, ён пачаў служыць і стаў афіцэрам, а пазней — генералам. Падчас адной з бітваў Геранім трапіў у палон. Пасля вызвалення ён пакінуў службу і прысвяціў сваё жыццё Касцёлу. У 30 гадоў прыняў святарскае пасвячэнне, пасля чаго заснаваў шмат дзіцячых дамоў на поўначы Італіі.

Цэнтрам яго дабрачыннай дзейнасці стала мястэчка Самаска ў Ламбардыі, дзе ў 1532 годзе заснаваў законную супольнасць рэгулярных клерыкаў — самасцаў, мэтаю якой стала апека над сіротамі і ўбогімі. Праз 8 гадоў супольнасць была зацверджана Папам, але сам заснавальнік так і не ўступіў у яе. Геранім Эміліяні памёр ад чумы ў Самасцы 8 лютага 1537 года.

Святы з’яўляецца нябесным апекуном сіротаў [3].

Зноскі

1 2 BeWeB Праверана 13 лютага 2021.
↑ Calendarium Romanum: Ex decreto Sacrosancti Œcumenici Concilii Vaticani II instauratum auctoritate Pauli PP. VI promulgatum. Editio typica — Civitas Vaticana: 1969. — С. 24.
↑ Святы Геранім Эміліяні

Спасылкі

На Вікісховішчы ёсць медыяфайлы па тэме Геранім Эміліяні