Георг Грос (26 ліпеня 1893 — 6 ліпеня 1959) — нямецкі мастак, вядомы асабліва сваімі карыкатурнымі малюнкамі і карцінамі з жыцця Берліна 1920-х гадоў.
У часы Веймарскай рэспублікі ён быў вядомым членам берлінскіх груп дадаізму і новай аб’ектыўнасці. Эміграваў у ЗША ў 1933 годзе, атрымаў грамадзянства ў 1938 годзе. Адкінуўшы стыль і тэматыку сваіх ранейшых работ, ён рэгулярна выстаўляўся і шмат гадоў выкладаў у Студэнцкай мастацкай лізе ў Нью-Ёрку. У 1959 годзе вярнуўся ў Берлін, дзе неўзабаве памёр.