Генуя (італ.: Genova [ˈdʒɛːnova], ліг.: Zena [ˈzeːna], лац.: Genua, Ianua) — горад у Італіі, галоўны горад правінцыі Генуя і рэгіёна Лігурыя.
Старажытны гандлёвы горад у італьянскай правінцыі Лігурыя каля Генуэзскага заліва. У 222 да н.э. быў заняты рымлянамі. У 2-ой Пунічнай вайне разбураны карфагенскім вайскаводцам Магонам, але пасля вайны ізноў адбудаваны як найважны горад рымскай правінцыі Цызальпінская Галія (Gallia Cisalpina). У 539 быў заваяваны бургундамі, а ў 670 захоплены і ізноў разбураны лангабардамі. Пасля лангабардскага панавання Генуя трапіла пад уладу франкаў. Пасля распаду імперыі Карла Вялікага Генуя зрабілася самастойнай рэспублікай і кіравалася консуламі (Гл.далей: Генуэзская рэспубліка). У 934 горад быў разбураны сарацынамі. Радзіма Нікало Паганіні.