Генры Пёрсел (англ.: Henry Purcell, 10 верасня 1659(?), Лондан — 21 лістапада 1695, там жа) — англійскі кампазітар, найбуйнейшы прадстаўнік ранняга англійскага барока. Пісаў практычна ва ўсіх жанрах/формах сучаснай яму музыкі — аўтар знакамітай оперы «Дыдона і Эней», некалькіх сямі-опер, музыкі да драматычных спектакляў, п’ес (у тым ліку фантазій на In nomine) для інструментальнага кансорту, харавых антэмаў (абодвух тыпаў), прывітальных і жалобных од, свецкіх і духоўных песень («арый») і г. д.