wd wp Пошук: ⬜

Гвідабальда II дэла Роверэ

Гвідабальда II дэла Роверэ (італ.: Guidobaldo II Della Rovere, 2 красавіка 1514, Урбіна - 28 верасня 1574) — герцаг Урбіна.

Біяграфія

Гвідабальда II быў сынам герцага Урбінскага Франчэска Марыя I дэла Роверэ і яго жонкі, Элеаноры Ганзага. У 1532 Гвідабальда ўдзельнічаў ва ўсеагульным аглядзе войскаў Венецыянскай рэспублікі, галоўнакамандуючым якімі ў той час быў яго бацька. У 1534 жэніцца з Джуліяй Варана, дачкой сіньёра Камерына. Гэты шлюб служыў у першую чаргу палітычным мэтам - а менавіта, распаўсюджванню ўплыву герцагаў Урбіна на Сярэднюю Італію (у прыватнасці - на вобласць Маркэ). У герцага і Джуліі нарадзілася дачка Віргінія Фельтрыя дэла Роверэ (1544-1571, замужам у першым шлюбе за Федэрыка Барамеа (у 1560-1562), у другім шлюбе (з 1569) - за Фердынанда Арсіні, герцагам Гравіна). У 1546 Гвідабальда становіцца камандуючым венецыянскімі войскамі.

У 1547 году Джулія Варана памерла. У 1548 Гвідабальда II ўступае ў шлюб другі раз - з Віторыяй Фарнезэ, дачкой герцага Пармскага П’ера-Луіджы II Фарнезэ. У гэтай сям’і нарадзіўся спадчыннік Гвідабальда, Франчэска Марыя II дэла Роверэ, а таксама дзве дачкі:

Ізабела дэла Роверэ, замужам за Нікола Сансеверына, князем Бісіньяна,
Лавінія Фельтрыя дэла Роверэ, замужам за Альфонса Фелічэ д’Авалас, князем Франкавіла.

Зноскі

Літаратура

Bicchierai. Lettere d’illustri capitani mai stampate. 1854, Firenze;
P. Litta. Famiglie celebri italiane. 1834, Milano.