Гвадыяна (ісп.: Guadiana, парт.: Guadiana, араб. نهر يانة Wadi Ana, лац.: Anas) — рака ў Іспаніі і Партугаліі.
Даўжыня ракі 820 км, плошча вадазборнага басейна 68 тыс. км². Сярэдні расход вады каля 80 м³/с. Бярэ пачатак на плато Ла-Манча, далей цячэ ў глыбокай даліне, што ўразаецца ў плато Новай Кастыліі, а затым па нізіне Эстрэмадура, перасякае ўзгорыстую раўніну Алентэжу і выходзіць на берагавую раўніну; упадае ў Кадыскі заліў Атлантычнага акіяна, утвараючы эстуарый. Жыўленне дажджавое. Найбольшая воднасць зімой і вясной; летам — межань. Буйное вадасховішча Сіхар.