Гаро́хаўскі сельсавет — былая адміністрацыйна-тэрытарыяльная адзінка ў складзе Бабруйскага раёна Магілёўскай вобласці. Цэнтр — вёска Гарохаўка.
Утвораны 20 снежня 1982 года ў складзе Бабруйскага раёна Магілёўскай вобласці БССР у складзе 33 населеных пунктаў (вёскі Аколіца, Астравы, Гародчына, Гарохаўка, Двор Глуша, Дворышча, Каменка, Кіслаўшчына, Кліны, Красновічы, Круглоніва, Лагадаўка, Ленінцы, Лужанец, Макараўка, Мартынаўка, Масты, Мачулкі, Палошкава, Пасека, Пятровічы, Рагаселле, Рымаўцы, Спорнае, Сулева, Фартуны, Харошыя, Ясёны і пасёлкі Дзеўчын, Красная Зара, Красны Агарод, Ляды і Трусаўшчына), якія раней уваходзілі ў склад Гарбацэвіцкага сельсавета[1]. 15 снежня 1987 года скасавана вёска Сулева[2]. 23 снежня 2011 года скасаваныя населеныя пункты Дзеўчын і Кліны[3]. 20 лістапада 2013 года сельсавет скасаваны, яго тэрыторыя размеркавана паміж Глушанскім сельсаветам (20 населеных пунктаў: пасёлкі Красны Агарод, Ляды, Красная Зара, вёскі Гародчына, Двор-Глуша, Дворышча, Каменка, Кіслаўшчына, Красновічы, Круглоніва, Ленінцы, Лужанец, Масты, Палошкава, Пасека, Рымаўцы, Трусаўшчына, Фартуны, Харошыя, Ясёны) і Гарбацэвіцкім (10 населеных пунктаў: вёскі Аколіца, Астравы, Гарохаўка, Лагадаўка, Макараўка, Мартынаўка, Мачулкі, Пятровічы, Рагаселле, Спорнае) сельсаветамі[4].
На момант скасавання ў склад сельсавета ўваходзілі 30 населеных пунктаў.
Насельніцтва сельсавета паводле перапісу 2009 года — 822 чалавекі[5], з іх 93,1 % — беларусы, 6,0 % — рускія[6].